من طرف ماهو الفكره يعنى ايه حب ؟؟
ممكن قبول استلطاف احترام بسبب المعامله والطريقه والاسلوب
انما لو هيوصل مثلا انك تحس ان الانسانه دى قريبه منك ومن افكارك وحابب ترتبط بيها وخليناها ف ارتباط عن طريق النت
يبقى اكيد انا معاه مش ف كل الحالات بس وجهه نظرى
الفكره دى لان الخلاصه الزواج ماهو الاعباره عن نصيب
نصيب ايه بقى النصيب بتاع ربنا اللى بيجى ف اى زمان واى مكان
لا نت ولاغيره الفكره كلها انه نصيب
النت ماهو الاعباره عن عالم مصغر من الواقع هما اللى قاعدين ع النت دول مش احنا ؟؟؟
طب واحنا مالنا ماحناا فينا كتير ولاد ناس ومحترمين ولاايه ؟؟
جوازات كتير نجحت عن طريق النت زى ماكتير منها فشل
هو مش فى برضه جوازات بتفشل ف الحقيقه وجواز عادى ؟؟
يبقى ايه الفرق ؟؟ ايه الفرق بين عريس الصالونات وعريس شافك ف مواصله او ف شارع وعن طريق العيله او ايا كان واتقدملك ومش حصل نصيب او حصل ..؟
مش اهم حاجه ان يكون ف قبول وبنسأل عنه
وانا مخطوبة من شخص عن طريق النت بس بعد شهرين تعارف بس بينى وبينه وبين الاهالى وسألنا عنه وشخص طيب حنون كريم عنده شخصيه
وان شاء ربنا يكرمنا عن قريب
وقبلها كنت مقرى فاتحتى من شخص عادى جدا خارج النت ومش حصل نصيب لان كانت شخصيته فى ها سلبيات كتير
واهالينا عارفين اننا عرفنا بعض من ع النت لاننا كان لازم نثبتلهم ان النت دا مش كله وحش زى ماهما فاكرين النت دا احنا ياناس والعيب بقى فينا احنا ومننا احنا
كل مكان وزمان فى الوحش وفيه الحلو المهم مدى قبولنا وقرارتنا احنا
انا بعتذر جدا جدا جدا انى طولت وممكن اكون خرجت برا الموضوع شويه بس فعلا لو قولنا حب يبقى بنقول زواج والا نبقى مش بنحب لانى لما احب فلان يبقى بخاف عليه وعلشان بخاف عليه يبقى لازم يتوجد شرع ربنا سبحانه وتعالى
يعنى بحب فلانه يبقى اصونها دا الحب
ولو قولنا بيجيب المشاكل وبيكون بينهم مشاكل ماياما ناس كانت جوازتهم خارج النت وعاديه جدا وحصل انفصال ومشاكل
لان دا كله ف علمه وف تدبيره ومحدش بياخد غير نصيبه
وكله مقدر ومكتوب
اهم حاجه وعينا احنا وعقلنا ونقدر نميز مين بيضحك علينا ومين لا مين محترم وبيبان من التصرفات والاسلوب ومين لا
وف الاخر احنا لو عايزين نصدق حد بنصدقه حتى لو كنا واثقين انه وحش للاسف
فدا راجع لثقتنا بعقولنا
